ატენის მიკროზონა მდებარეობს შიდა ქართლში, გორის მუნიციპალიტეტში, მდინარე ტანას ხეობაში.

კავკასიონისა და თრიალეთის მაღალმთიანი სისტემების ზეგავლენით მტკვრის მარჯვენა სანაპიროზე ხეობებში შექმნილი ეკოლოგიური პირობები, ვაზის ჯიშების:  ჩინურის, გორული მწვანისა და ბუდეშური თეთრის შაქარმჟავიანობის ჰარმონიული შეფარდება, ღვინის დამზადების ორიგინალური, საუკუნეების განმავლობაში ჩამოყალიბებული ტექნოლოგია განაპირობებს ტრადიციული ცქრიალა ღვინო ატენურის წარმოებას.

თეთრი ცქრიალა ღვინო, ვაზის ჯიშების ჩინურის, გორული მწვანის და ბუდეშურისაგან მიღებული ღვინომასალების მეორადი დუღილით მიიღება.

ღვინო ჩალისფერია, ხასიათდება ჰარმონიული გემოთი, ხილის ტონებით.